Сипаттама

Мәктивимизниң бүгүнки  нәпәсигә тохталсақ, һазирқи пәйттә мәктивимиздә 107 оқуғучи билим елип, уларға 32 муәллим сүпәтлик билим берип кәлмәктә. Алий билимлик муәллимләрниң сани-  24  , оттура мәхсуслиқ муәллимләрниң сани-  8     Мәктивимиздә барлиқ пәнләр бойичә мутәхәссислик тапчилиғи йоқ. Мәктәп оқуғучилириға  «Тәтқиқатчи»   муәллим Умбетов Һәмражан,   1 исследователь,  9 экспорт,          8   модеротор  дәрижисидики    устазлар билим бәрмәктә.  Мәктивимиз материаллиқ базисиға тохтилидиған болсақ, 2016 жили мәктивимизгә қошумчә спортзал селинип өз ишигини ачқан болса, 2018 жили мәктивимиз толуғи билән капиталлиқ ремонт қилинди. Мәктивимиздә жабдуқлар заман тәливигә толуқ жавап берәләйду. Физика кабинетимиз заман тәливигә лайиқ. Наһийәлик билим бөлүмидин компьютер, ноутбук, планшетлар берилмәктә. Бизниң бир қийнилидиған жайимиз мәктәпалди тәйярлиқ топиға йәни 6 ә  синипиға, кружок, факультатив дәрислирини өтүшкә кабинетларниң йетишмәслиги. Китапханиниң, китап оқуш ханилириниң, актовый залниң, ашхана, буфетларниң    йоқлуғиму  чоң мәсилә. Әгәрдә китапханимиз болса оқуғучилар толуқ китап оқушқа тәрбийиләнгән болар еди. Ашхана, буфетлирмиз болса оқуғучилирмизниң саламәтлиги техиму мустәһкәм болар еди. Актовый зал болған болса оқуғучилиримиз сәһнидә өзлирини тутуш мәдәнийити жәһәттин толуқ тәрбийилинип сәнъәткә болған қизиқиши техиму ашар еди. Келәчәктә мошуларниң барлиғи әмәлгә ашиду дегән үмүттә яшап келиватимиз, әлвәттә. 

 Мәктивимизниң шагиртлири  наһийәлик вә Республикилиқ  дәрижидә өтүливатқан пән олимпиадилири,  һәрхил көрүкләргә паал қатнишип кәлмәктә.  Қаһаров намидики фестивалида сәһнилик көрүнүш,  шеирни ипадилик оқуш номинациялири бойичә алдинқи орундин көрүнгән оқуғучилиримиз, пән олимпиада ғалиплири мәктивимизниң  пәхирлиридур. Улар: Нариман Гүлшат, Аманжанова Юлтузай, Заитов Абулжан, Тоқсанбаева Шұғыла,  Саипов Саидбек вә башқилар. Спортзал ечилғандин башлап шагиртлиримиз волейбол мусабиқилиридин наһийәлик мусабақиләргә қатнишип, наһийә дәрижисигә тонулуп,  жуқарқи орунларға еришмәктә.